Agjencia Zhurnal.mk
Kosovë

Vuçiç: Serbia e gatshme të japë vaksina edhe për shqiptarët e Kosovës

Presidenti i Serbisë, Aleksandar Vuçiç, pas takimit të ekipit operativ për vaksinimin dhe kreut shtetëror tha se vaksinimi masiv fillon sot në Serbi dhe se është e rëndësishme për qytetarët të kuptojnë se Serbia po ndryshon të ardhmen edhe në aspektin ekonomik.

I pyetur pse Serbia dhuroi 8.000 vaksina Pfizer kundër koronavirusit për Maqedoninë e Veriut, Vuçiç shtroi pyetjen se çfarë vlen vaksina për Serbinë, nëse fqinjët janë në telashe dhe se duhet ndihmuar fqinjët kur janë në vështirësi.

“Mendoj se kjo tregon përgjegjësinë tonë dhe se nuk jetojmë në një ‘botë të izoluar’”, tha Vuçiç.

Presidenti serb gjithashtu tha se nuk e ka asnjë problem për të ndihmuar Shqipërinë dhe se Beogradi zyrtar është i gatshëm të japë vaksina edhe për shqiptarët e Kosovës, duke shtuar se nuk do të mund të refuzonte nëse Bosnje e Hercegovina kërkonte ndihmë, gjegjësisht entiteti Republika Sërpska i BeH-së.

Vuçiç tha se vlerësimet për ritmin e vaksinimit në Serbi janë të ndryshme, por se gjithçka që është më shumë se 10.000 njerëz të vaksinuar çdo ditë është e jashtëzakonshme.

Ai shtoi se për të filluar me vaksinimin masiv u duhej të prisnin sasi më të mëdha të vaksinave, pasi kjo mund të bëhej vetëm kur kishte gjysmë milioni doza vaksinash.

Vuçiç theksoi se Serbia ka tre vaksina, Pfizer, Sputnik V dhe Sinofarm, duke shtuar se negociohet me Poloninë dhe “AstraZenek” që Serbia të marrë 800.000 doza të kësaj vaksine përmes Polonisë.

Ai gjithashtu tha se po negociohet me kompaninë “Johnson&Johnson” dhe “Moderna”, vaksina e së cilës mund të jetë në dispozicion për qytetarët e Serbisë në vjeshtë. Presidenti serb tha se edhe ai do të vaksinohet ditët e ardhshme, kur t’i aprovojnë mjekët, ndërsa kryeministrja Ana Brnabiç tha se 351.000 njerëz kanë aplikuar për vaksinim deri më tani.

Postime të ngjashme

Bashkësia Islame e Kosovës me vendim rreth rregullave për faljen e Fitër Bajramit

N E

Sabri Kiçmari: Ka një masë presioni nga Bashkimi Evropian që të përshpejtohet dialogu mes Kosovës dhe Serbisë

N E

Lutfi Haziri ka kërkuar zbardhjen e rastit të tre gjilanasve të cilët vdiqën në Durrës

N E

Mbi 3000 vaksina Pfizer nga BE arrijnë në Kosovë

N E

Haradinaj: Sa herë kur ka qenë në pyetje interesi kombëtar dhe ai shtetëror, kam kapërcyer kufijtë partiak

N E

Josep Borrell: Dialogu do të rifillojë para fundit të qershorit siç kemi rënë dakord me kryeministrin Kurti

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...