Agjencia Zhurnal.mk
Shqipëri

Vulin i kundërpërgjigjet Ramës: Të mbajmë mend më shumë për çorapet sesa për idetë

Shqiptarët janë popull i nderuar, jo si ju. Ne ju mbajmë mend më shumë për çorapet tuaja sesa për idetë“. Me këto fjalë, Ministri serb i Mbrojtjes, Aleksandar Vulin, i është kundërpërgjigjur sërish Kryeministrit Edi Rama. Mediat serbe përcollën gjatë pasdites një tjetër reagim të Vulin.

“Nëse Rama do të interesohej për paqen në rajon, nuk do të lëvdonte vrasësit e ashtuquajturës UÇK. Nëse do të kishte fytyrë, ai nuk do të përpiqej të paraqiste manastiret serbe në Kosovë dhe Metohi si trashëgimi të popullit të tij në librat shkollorë të shtypur nga qeveria e tij. Rama, të cilin e kujtojmë më shumë për çorapet e tij të shqyera sesa për idetë e shkëlqyera, mund të japë leksione vetëm në Twitter”, tha Vulin. Ministri serb, tha gjithashtu se shqiptarët janë populli nga ku doli Esat Pashë Toptani dhe se ai kurrë nuk do t’i identifikonte ata me Ramën.

Vendimi i mbledhjes të dy qeverive, të mbajtur të premten në Tiranë për krijimin e një dogane të posaçme për Kosovën në Portin e Durrësit solli reagimin e MinistritAleksandar Vulin, i cili më herët nëpërmjet një deklarate zyrtare akuzoi Kryeministrin Edi Rama se po përpiqet që të krijojë “Shqipërinë e Madhe”.

Kësaj deklarate, Rama iu përgjigj me anë të një postimi në Twitter, drejtuar Presidentit Vuçiç ku shkruante. “Është e vërtetë apo është një meme që tallet me tru shpëlarët dhe goje-ndyrët që e mbajtën të gjithë rajonin tonë në errësirë për shekuj? Unë uroj shumë që të jetë një meme, përndryshe kjo do të ishte një shfaqje e dëshpëruar e të menduarit të mjerë, që duhet ta dënoni pa asnjë dyshim!”/tvklan.al

Postime të ngjashme

REL: Shqipëria, Serbia, Maqedonia e Veriut, së shpejti të sigurta nga koronavirusi

Dafina Vidishiqi

Lulzim Basha takohet me Sorecën pas rizgjedhjes si kryetar i PD

Dafina Vidishiqi

Gripi i shpendëve, ndalohet tregtimi në rrugë

Bekim Laçi

Sistem modern për analizat: 3 mln euro për sigurinë dhe shpejtësinë e shërbimit në QSUT

Bekim Laçi

Kryebashkiaku drejt shkarkimit/ Qerim Ismailaj i Mallakastrës rezultoi i dënuar në Greqi. Nuk e deklaroi

Bekim Laçi

Analizë/ “Bashkë pa kufi” – Sa janë realizuar 83 marrëveshjet Kosovë-Shqipëri ?

Zekirija Haxhiu

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...