Agjencia Zhurnal.mk
Maqedoni TOP LAJM

Xhaferi pret në takim ministrin shqiptarë, Gent Cakaj

Zhurnal Ads

Shkup, 18 shtator – Kryetari i Kuvendit të Republikës së Maqedonisë së Veriut, Talat Xhaferi, sot kishte takim me Gent Cakaj, ministër i autorizuar për Evropë dhe Punë të Jashtme i Republikës së Shqipërisë.

Me këtë rast, Kryetari Xhaferi falënderoi Republikën e Shqipërisë që ishte vendi i tretë anëtar i Aleancës që e ratifikoi Protokollin për aderimin e Republikës së Maqedonisë së Veriut në NATO. Ai e njoftoi ministrin me aktivitetet e ardhshme të punës së Kuvendit, siç është shqyrtimi i në shumë ndryshimeve ligjore të imponuara nga pandemia me Kovid-19, mandej aktivitetet në lidhje me agjendën evropiane dhe hapjen e kapitujve të parë kah fundi i këtij viti. Krahas kësaj, e njoftoi edhe për rrumbullakimin e funksionalitetit të Kuvendit me formimin e delegacioneve të bashkëpunimit multilateral dhe grupeve të bashkëpunimit bilateral.

Kryetari Xhaferi shprehu kënaqësi për interesin e përbashkët dhe nismën për lidhjen e marrëveshjes bilaterale për thjeshtëzimin e procedurave kufitare (sistem një sportelesh) për pasagjerë dhe automjete në kalimin kufitar Qafë Thanë dhe shprehu mbështetje për të gjitha projektet që janë në favor të bashkëpunimit ndërmjet Republikës së Maqedonisë së Veriut dhe Shqipërisë në kuadër të programit IPA 2 për bashkëpunim tejkufitar, siç është ndërtimi i infrastrukturës rrugore, energjetike dhe hekurudhore në kuadër të Korridorit 8. Kryetari Xhaferi e përshëndeti përkushtimin e Shqipërisë në suazat e kryesimit me OSBE-në, në kushte kur Evropa ballafaqohet me kanosje serioze ndaj sigurisë së saj dhe pasojave mbi rrjedhat demokratike.

Ministri Cakaj ia uroi rizgjedhjen Kryetarit Xhaferi dhe e përshëndeti formimin e Qeverisë dhe funksionalitetin e Kuvendit. Ai e nënvizoi gatishmërinë e Shqipërisë për avancim të mëtutjeshëm të bashkëpunimit të përgjithshëm, si edhe të intensifikimit të bashkëpunimit ndërmjet dy vendeve miqësore.

Bashkëbiseduesit këmbyen mendime për bashkëpunimin rajonal i cili është kryesor për perspektivën evropiane dhe stabilitetin e rajonit tonë dhe realizimit të qëllimit të përbashkët strategjik për anëtarësim në BE dhe në këtë drejtim, përpjekjet për fillimin formal të negociatave për anëtarësim deri në fund të këtij viti, i nënvizuan si prioriteti kryesor i të dy vendeve. 

Zhurnal Ads
Zhurnal Ads

Postime të ngjashme

Klinika për veshë, hundë dhe fyt shndërrohet në Kovid qendër, pranohet pacienti i parë

Z H

Nesër pa rrymë do të jenë disa pjesë të Shkupit

E.E.

Zbardhen detajet nga gjyqi ndaj Filan M, tentoi sulm me bombë në restorant

T E

Zaevi dhe Filipçe në takim me përfaqësues të veprimtarisë për festime dhe dasma: Dialogu ka filluar, së bashku do t’i gjejmë zgjidhjet më të mira

T E

Ambasadorja e SHBA-së viziton kompaninë farmaceutike Alkaloid

E.E.

Një pjesë e Butelit do të ketë ndërprerje të ujit

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...