Përfaqësues i Shqipërisë në xhudo në Lojërat Olimpike, Indrit Çullhaj, u eliminua me Ippon në xhiron e parë.
Xhudisti shqiptar pësoi një lëndim si pasojë e së cilit duhej të ndërhynte ekipi mjekësor në tatami për ta ndihmuar atë.
Çullhaj në momentin e rrëzimit, kah fundi i kohës së rregullt të luftës, si duket pësoi edhe goditje në trup, nga e cila nuk u këndell për një kohë.
Lëndimi i marrë e penalizmi atë që të përballej në mënyrë të rregullt me kundërshtarin, duke e dorëzuar në njëfarë mënyre meçin.
Nga kontaktet me përfaqësues të Komitetit Olimpik Kombëtar Shqiptar, fjala është për një lëndim të brinjëve.
Por, lëndimi i Çullhaj nuk është serioz dhe shpresojmë në rikuperimin e shpejtë të tij.
