209
Mesfushori i Man City, Matheus Nunes, u arrestua në një klub nate në Madrid më 8 shtator për një incident të shkaktuar nga ana e tij, sipas El Mundo.
Mesfushori portugez u mbajt në disko La Riviera në Madrid në orët e para të asaj dite, rreth orës 05:30.
Nunes dyshohet se i rrëmbeu celularin një 58-vjeçari, i cili u përpoq ta fotografonte në tualet.
Ai e ka mbajtur telefonin në posedim dhe ka refuzuar t’ia kthejë personit, ndërsa policia ia ka gjetur atë kur kanë mbërritur.
Nunes u prangos nga policia dhe u dërgua në një Komisariat Kombëtar të Policisë në Madrid.
Më pas ai u lirua disa orë më vonë pas ndërhyrjes së një avokati, derisa akuza mbi të rëndon për vjedhje.