Zaev, Makron, Merkel e Radev njëzëri: Të zgjidhim kontestet e së kaluarës dhe të drejtohemi kah e ardhmja

Bërdo afër Kranjit, 6 tetor – Kryetari i Qeverisë së Republikës së Maqedonisë së Veriut, Zoran Zaev në kuadër të agjendës për pjesëmarrje në Samitin e BE-së për Ballkanin Perëndimor, realizoi takim me presidentin e Republikës së Francës, Emanuel Makron, kancelaren e RF të Gjermanisë, Angela Merkel dhe presidentin e Republikës së Bullgarisë, Rumen Radev.

 

Siç kumtoi pres shërbimi i Qeverisë, në takim, ku mori pjesë edhe zëvendëskryeministri i ngarkuar për Çështje Ekonomike, Nikolla Dimitrov, u shpreh përkushtim në procesin e zgjerimit të BE-së me vendet nga Ballkani Perëndimor, me ç’rast u konfirmua interesi strategjik i Unionit për këtë çështje.

“Zaevi gjatë takimit ka shprehur falënderim nga ky përcaktim dhe potencoi se është shumë e rëndësishme që liderë si presidenti Makron dhe kancelarja Merkel ndërmarrin hapa me të cilat ndihmojnë gjetjen e zgjidhjeve për kontestet dypalëshe, që kanë rrënjët në të kaluarën. Kryetari i Qeverisë së Republikës së Maqedonisë së Veriut e përshëndeti udhëheqjen e Presidentit Makron dhe Kancelares Merkel dhe falënderoi edhe Francën edhe Gjermaninë, të cilët shikojnë drejt së ardhmes dhe që ndihmojnë gjatë zgjidhjes së kontesteve ballkanike nga e kaluara. Kryeministri Zaev në takim shprehu pritshmëritë dhe përcaktimet e qarta të qytetarëve maqedonas për të ardhme evropiane të vendit të vet, duke potencuar se urgjentisht nevojiten hapa evropian nga ana e të gjitha vendeve anëtare të BE-së me qëllim që të mos lejohet dëshpërim i popullit tanë dhe me këtë edhe rritje e rreziqeve për intensifikimin e rrymave retrograde nacionaliste!”, thuhet në kumtesë.

Gjatë bisedës u shprehën edhe gatishmëritë e përbashkëta dhe në interes të Maqedonisë së Veriut dhe të Bullgarisë për të vazhduar dialogu mes dy vendeve me qëllim që të arrihet zgjidhje.

Related posts

Familjarët në rastin “Alfa” sigurojnë dëshmi të reja, të bindur se do të ketë rigjykim

D V

Në UT u mbyll afati i tretë i regjistrimit për vitin akademik 2021/22

D V

Simulim të shfrytëzimit të pajisjes për identifikim biometrik të votuesve me shenja nga gishti

D V

This website uses cookies to improve your experience. We'll assume you're ok with this, but you can opt-out if you wish. Accept Read More