Zaev: Ta lexoj raportin dhe më së voni nesër do të vendos për dorëheqjet

Shkup, 5 tetor – Kryeministri Zoran Zaev paralajmëroi se gjatë ditës ose më së voni nesër do të japë komentin e tij për raportin e publikuar nga ekspertiza për zjarrin në Spitalin Modular në Tetovë.

“Me të vërtetë për herë të parë dëgjoj për raportin e publikuar, sipas gjitha gjasave tashmë kemi qenë në konferencë për media kur ajo është publikuar. Më lejoni që ta lexoj raportin, të shoh gjithçka që është publikuar, që të mundem t’i jap reagimet e mia dhe menjëherë gjatë ditës ose më së voni nesër të jap komentin tim për këtë”, deklaroi Zaevi, duke u përgjigjur në pyetjet e gazetarëve në konferencë për media në Qeveri.

I pyetur, se çka kjo do të nënkuptojë konkretisht për dorëheqjet e ofruara, tha se menjëherë, pasi do t’i di të gjitha informacionet për atë që është publikuar, do ta thotë edhe qëndrimin e tij për dorëheqjet të ministrit dhe të zëvendësministrit të Shëndetësisë.

Zaevi, i falënderoi institucionet të cilat i publikojnë raportet, sepse, siç tha, qytetarët i presin.

“Kjo është më e rëndësishmja, vetë raportet duhet të përfundojnë në mënyrë profesionale dhe me kohë dhe secili informacion që jep përgjigje plotësuese për popullin tonë, familjet e bashkëqytetarëve tanë të vdekur është përgjegjësi e institucioneve”, theksoi Zaevi.

Paraprakisht sot, Prokuroria Publike e Republikës së Maqedonisë së Veriut, informoi se në Prokurorinë Themelore Publike në Tetovë është dorëzuar Raporti nga ekspertiza e bërë e gjurmëve nga zjarri në Spitalin Modular në Tetovë, i përgatitur nga Departamenti për Hetime dhe Ekspertiza Kriminalistike – Teknike pranë Ministrisë së Punëve të Brendshme.

“Me ekspertizën konfirmohet se zjarri u shkaktua si pasojë e një lidhje të shkurtër elektrike përmes rezistencës së lartë kalimtare në kabllon e kyçur në defibrilator me të cilin është kryer rianimacioni i pacientit në njërën prej dhomave të spitalit. Ngrohja e kabllit shkaktoi djegie në kutinë e kyçjes nga kablli vazhdues në të cilin ishin të vazhduar defibrilatori, mbushësi i telefonit dhe edhe një aparat”, theksojnë nga Prokuroria Publike.

Related posts

Moti sot me diell dhe vranësira mesatare, temperatura deri në 27 gradë

N E

OBRM-PDUKM: LSDM nuk ka kandidatë për kryetarë komunash për shkak se askush nuk niset për t’i humbur zgjedhjet

D V

MPB kyçë kontrollin e brendshëm për të hetuar ndalimin e Dimitrievskit

Z H

This website uses cookies to improve your experience. We'll assume you're ok with this, but you can opt-out if you wish. Accept Read More