Agjencia Zhurnal.mk
Shqipëri

Zbardhet pasuria e Erjon Braçes, si ndryshuan të ardhurat e zv.kryeministrit

Erion Braçe u zgjodh numri dy i kabinetit të kryeministrit Edi Rama në dhjetor 2018, duke marrë postin e parë në ekzekutiv pas dy dekadash në politikën aktive.

Braçe ka përfunduar studimet për Ekonomi-Financë në vitin 1994 dhe ka punuar si gazetar, redaktor dhe kryeredaktor në gazetën “Zëri i Popullit”.

Ai ka qenë pjesë e politikës aktive prej vitit 1992 si dhe ka drejtuar Forumin Rinor të Partisë Socialiste në vitet 1996-2000. Braçe është anëtar i Asamblesë Kombëtare të Partisë Socialiste prej vitit 1995 dhe anëtar i kryesisë nga viti 2005.

Erion Braçe ka një përvoje të gjatë legjislative. Ai është zgjedhur deputet i Kuvendit të Shqipërisë në 7-të legjislatura që prej vitit 1996.

Ky raport u prodhua nga BIRN pas administrimit të deklaratave të pasurisë së zv.kryeministrit Erion Braçe nga Inspektoriati i Lartë i Deklarimit dhe Kontrollit të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasuritë e anëtarëve apo ish-anëtarëve të Këshillit të Ministrave gjatë viteve 2013-2020.

Skeda grafike e mëposhtme paraqet pasurinë e deklaruar nga zv.kryeministri aktual, Erion Braçe nga viti 2003 deri në fund të vitit 2018.

Në deklaratën e parë të dorëzuar në ILDKPKI në vitin 2003, Braçe deklaronte pasuri me vlerë 6.1 milionë lekë, ndërsa në fund të vitit 2018, pasuria familjare është rritur me gati 2 herë, duke kapur vlerën e 11.4 milionë lekëve.

Z.Braçe zotëron familjarisht pasuri të paluajtshme me vlerë 5 milionë lekë, likujditete bankare prej 3.5 milionë lekësh, automjete me vlerë 2.2 milionë lekë dhe kursime në cash prej 700 mijë lekësh.

Të ardhurat familjare për periudhën deklaruese janë 55.5 milionë lekë, nga të cilat gati 59% kanë si burim pagën e Z.Braçe dhe 40% pagën e bashkëshortes.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Kontrolli aritmetik/logjik për 15 vite të deklarimit rezultoi pa probleme./ BIRN

Postime të ngjashme

Shqipëri, 21 të vdekur e 777 të infektuar

T E

Ethet e listës së PS në zgjedhje/ Tre deputetë deklarojnë tërheqjen, për t’i hapur rrugën më të rinjve

T E

Senatori amerikan nderon imamin shqiptar në Nju Jork

T E

Covid shuan familjen Cara, ndërron jetën babai, nëna dhe djali i vetëm

T E

Kush është studentja 22 -vjeçare që vdiq nga Covid 19

T E

Di Maio: Vendet skeptike të hedhin poshtë paragjykimet, duhet të nisë procesi i zgjerimit me Ballkanin

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...