Kuriozitete

Zbulim i rrallë! Gjurmë jete në Afërditë?

Zhurnal Ads

Shkencëtarët zbuluan një gaz në atmosferën e Afërditës që në Tokë mund t’i atribuohet organizmave të gjallë.

Në një artikull të botuar në revistën “Nature Astronomy” theksohet se  prania e gazit fosfinë në retë e Afërditës tregon se në këtë planet mund të jetojnë mikrobe. Studiuesit nuk i zbuluan format aktuale të jetës, por thanë se në Tokë, fosfina prodhohet nga baktere që rriten në mjedise me mungesë oksigjeni.

“Unë isha shumë e befasuar – e shtangur, në fakt”, tha astronomja Jane Greaves, nga Universiteti Cardiff në Uells, autore kryesore e kërkimit.

Jim Bridenstine, administrator i Agjencisë Amerikane të Hapësirës – NASA, u shpreh se mund të ketë ardhur koha që t’i jepet përparësi Afërditës për misionet planetare kërkimore. Ky planet, edhe pse është fqinji më i afërt me Tokën, deri tani nuk ka qenë fokusi i kërkimeve të jetës gjetkë në sistemin diellor.

Pjesa më e madhe e përpjekjeve është përqendruar në Mars, ku dihet se dikur kanë ekzistuar të gjithë përbërësit e nevojshëm për të mbështetur organizmat me bazë karboni.

Postime të ngjashme

Çfarë është në të vërtetë objekti i ri i zbuluar rreth Diellit?

admin

Del në ankand një vizatim i rrallë me poetët Verlaine dhe Rimbaud

admin

Pakistani ndalon aplikacionet ‘imorale’ Tinder dhe Grindr

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...