Agjencia Zhurnal.mk
Kosovë

Zeka: U mundova ta ruaj etikën, Tomë Gashin e ka denoncuar në polici edhe gruaja e tij për dhunë fizike

Mbrëmë ka eskaluar debati mes Milaim Zekës dhe Tomë Gashit. Sharje, ofendime e kritika të shumta kanë hedhur palët në drejtim të njëri-tjetrit. Ish-deputeti i Kuvendit të Kosovës thotë se ndihet i rrezikuar nga kërcënimet e avokatit, teksa pohon se rastin e ka paraqitur edhe në Policinë e Kosovës, rreth një javë më parë, pasi telashet mes dyshes nuk janë rishtas.

Përplasje të ashpra po ndodhin mes Zekës e Gashit sa herë që po thirren nëpër emisione televizive, por ajo e një nate më parë u konsiderua nga komentuesit eskalim total.

E një ditë pas njërit prej debateve më të përfolura në Kosovë, Gazeta Express ka kontaktuar me ish-deputetin Milaim Zeka, për të kuptuar sesi erdhi deri te situata.

Teksa flet për Gazetën Express, Zeka shprehet se është munduar ta ruajë etikën, por sipas tij deklaratat e avokatit Gashi ishin shumë skandaloze.

“Sinqerisht, unë mbrëmë pas momentit kur ai e ka lëshu studion, jam mundu me ruajt etikën për hir të emisionit që ka qenë i drejtpërdrejtë, por ajo çka unë dëgjova paraprakisht ishte diçka shumë skandaloze. Ai kish qenë duke më fyer mua, duke thënë që unë e rrehi, qysh e kanë rreh në studio… Është mjerim edhe i organeve të drejtësisë në Kosovë që nuk reagojnë”, tha Zeka, të mërkurën, për Gazetën Express.

Ashtu sikurse edhe mbrëmë, Zeka e ka quajtur Gashin avokat të Millosheviqit.

“Nuk ka në botë avokat i kategorisë së Tomë Gashit që mundet me mbajtë licencën e avokatit në bazë të sjelljeve të tij… i cili ka qenë gjykatës i Millosheviqit deri në vitin 1993”, pohon Zeka.

I pyetur nëse ndihet i rrezikuar dhe nëse rastin do ta raportojë edhe në Policinë e Kosovës, Zeka tha se Gashi ka dhjetëra denoncime e kallëzime penale në Policinë e Kosovës dhe një denoncim ndaj tij e ka bërë edhe vetë ai.

“Tomë Gashi në Policinë e Kosovës ka me dhjetëra denoncime e kallëzime penale ndaj tij, duke filluar nga gruaja e tij që e ka denoncuar disa herë për dhunë fizike. Unë e kam raportu në polici, se jam në Suedi, e kam hap rastin ndaj Tomës para një jave… Më kanë intervistuar Krimet e Rënda, normal që po ndihem i rrezikuar”, tha Zeka.

Sipas Zekës, sjellja e Gashit është e nxitur nga kryetari i PDK-së, Kadri Veseli.

“Jam i bindur, 99 për qind, që Toma është i nxitur direkt nga Kadri Veseli, përderisa ky njeri po thirret në emrin e Kadri Veselit dhe ai nuk po reagon”, përfundoi Zeka.

Duke klikuar në linkun e lajmit më poshtë mund të shihni sesi nisi mbrëmë debati i ashpër mes Zekës dhe Gashit.

Postime të ngjashme

Pas vendimit të PZAP-së për rinumërim të votave, reagon Haradinaj- Stublla

S.B.

BE: Dialogu për 10 vjet ka sjellë ndryshime të qarta

S.B.

Kurti: Qeveria e re nuk do t’i ketë më pak se 5 ministre

S.B.

Haradinaj pas raportimeve për blerjen e votave kërkon të merren masa ndaj manipuluesve

S.B.

Hoti uron 8 marsin, ditën e gruas

S.B.

PZAP pezullon për pesë vite gjashtë komisionarë të një vendvotimi në Suharekë, pas ankesës nga Albena Reshitaj

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...