Zelensky i pikëlluar pas tragjedisë në Koçan, ngushëllime familjarëve të viktimave dhe gjithë popullit maqedonas

Ukrainë, 16 mars – Presidenti i Ukrainës, Volodymyr Zelensky ka reaguar pas tragjedisë në Koçan, pasi zjarri që shpërtheu në një klub nate atje, mori jetën e 59 personave, transmeton zhurnal.mk.

Nëpërmjet një postimi në “X”, Zelensky u ka shprehur ngushëllime familjarëve të viktimave dhe gjithë popullit maqedonas.

“Ngushëllimet e mia për familjet dhe të dashurit e viktimave, presidentes Gordana Siljanovska-Davkova dhe popullit maqedonas. Të lënduarve u uroj shërim të shpejtë.

Ukraina vajton përkrah miqve tanë maqedonas në këtë ditë të trishtë”, ka shkruar presidenti ukrainas.