Kosovë

Zemaj: Shqetësuese pamjet e prindërve e arsimtarëve para shkollave pa maska

Zhurnal Ads

Ministri i Shëndetësisë i Kosovës, Armend Zemaj, ka thënë se janë për keqardhje pamjet e publikuara nga disa shkolla në të cilat janë parë prindër dhe arsimtarë para dyerve të shkollave, pa maska mbrojtëse.

Përmes një postimi në Facebook ai ka thënë se në ditën e parë të vitit të ri shkollor në Kosovë, u raportuan vetëm 50 raste të reja pozitive, duke shtuar se është punuar shumë që kjo lakore e infektimeve të ulet.

Zemaj tutje ka shtuar se çdo neglizhencë e rekomandimeve anti-covid, rrezikon shëndetin e përgjithshëm dhe nuk do të tolerohet.

Postimi i plotë:

Në ditën e parë të Vitit të ri shkollor, në Kosovë, u raportuan vetëm 55 raste të reja pozitive! Është punuar shumë që kjo lakore e infektimeve të ulet dhe shtatori të na gjejë në një ambient më të sigurt!

Dje, isha për vizitë në dy shkolla në komunën e Prishtinës dhe të Vushtrrisë, për të parë përgatitjet për mësim.

Por, është për keqardhje pamjet e publikuara nga disa shkolla tjera për neglizhencën e masave nga disa prindër dhe arsimtarë, të grumbulluar para dyerve të shkollave, pa maskat mbrojtëse!

Lus prindërit dhe personelin arsimor të tregohen të përgjegjshëm dhe me përpikëri të vazhdojnë t’i respektojnë masat.

Çdo neglizhencë e rekomandimeve anti covid, rrezikon shëndetin e përgjithshëm dhe nuk do të tolerohet.

Ne, do të vazhdojmë angazhimin që të respektohen masat anti covid dhe të ruhet shëndeti i fëmijëve dhe nxënësve!

Vetëm bashkë mund t’ia dalim!

Postime të ngjashme

Kosova kushtëzon Serbinë për Asociacionin: Zbatimi, pas njohjes reciproke

admin

Nuk ka kuorum – Dështon të votohet rezoluta për dialogun

admin

Qeveria nuk miraton projektligjin për të drejtat e dëshmorëve, invalidëve dhe veteranëve të UÇK-së

S.B.
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...