Agjencia Zhurnal.mk
Shqipëri

Zgjedhjet e 25 prillit/ LSI dorëzon listat e kandidatëve në KQZ, Kryemadhi kryeson në Tiranë dhe Fier

LSI me në krye Monika Kryemadhin ka dorëzuar listat në KQZ ditën e sotme.

Monika Kryemadhi kryeson listën e kandidatëve në qarkun e Tiranës dhe Fierit. E dyta në listën e kandidatëve në Fier është Kejdi Mehmetaj.

Erisa Xhixho është e dyta në listën e qarkut Tiranë, pasohet nga Petrit Vasili, i cili  është i treti  në listën e kandidatëve në Tiranë, ndërsa Klajda Gjosha e katërta në Tiranë.

Ardit Cela kryeson listën e kandidatëve në qarkun e Beratit. Hajri Laçit i është besuar qarku i Dibrës.

Elona Guri kryeson listën në qarkun e Durrësit.

Endrit Braimllari kryeson listën e kandidatëve në Korçë

Erblin Bulica kryeson listën e LSI në qarkun e Kukësit. Viktor Tushaj kryeson listën në qarkun e Lezhës.

Agron Cela kryeson listën në qarkun e Shkodrës, Luan Rama në Vlorë, kurse Vabngjel Tavo në Gjirokastër.

Për partitë politike në vend, dita e sotme është afat i fundit që të dorëzojnë emrat e kandidatëve për deputetë që do të garojnë për zgjedhjet e 25 prillit.

Afati i fundit për dorëzimin e këtyre listave pranë këtij institucioni është ora 00:00.

Deri më tani janë bërë publike disa emra nga të gjithë forcat politike, e megjithatë listat zyrtare pritet të dorëzohet sot.

Kujtojmë se opozita e bashkuar ka lidhur në marrëveshje parazgjedhore, ku përfshihen PD, LSI dhe aleatët e tyre, ndërsa PS nuk ka bërë deri tani asnjë marrëveshje.

Ndërkohë që kreu i KQZ-së, Ilirjan Celibashi dhe presidenti Ilir Meta i janë drejtuar me një kërkesë qeverisë, ministrisë së Brendshme dhe Kuvendit që të shtyhet afati i kartave të identitetit që skadojnë para 25 prillit.

Ndërkaq dje ambasadorja amerikane,  Yuri Kim bëri paralajmërimin e fundit për partitë politike, ku u kujton që kandidatët duhet të jenë të pastër, ndërsa tha se shqetësimi më i madh i votuesve shqiptarë janë korrupsioni, mungesa e transparencës dhe pandëshkueshmëria.

Postime të ngjashme

Edi Rama nga Durrësi: Kur të bjerë bilbili do shohin tabelën nga 74-78 mandate

N E

Lulzim Basha nga Tepelena: Mos ia hapni derën të keqes për herë të tretë

N E

Nis vaksinimi i stafeve të hotelerisë në Shqipëri

N E

Monika Kryemadhi për ftesën e Ramës drejtuar Bashës: Unë nuk kam parë burrë që i lutet një burri për 24 orë 12 herë

N E

Ushtria amerikane “zbarkon” në Durrës

R Zh

“Eksplodoi balona” e Janez Janshës si lajm i pavërtetë, por që nxiti reagime të ndryshme

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...