Zgjedhjet lokale në Maqedoninë e Veriut/ Konfirmohen kandidaturat e partive

Kandidaturat e partive janë konfirmuar në Maqedoninë e Veriut për zgjedhjet lokale.

 

Komisionet Komunale Zgjedhore duhet të bëjnë brenda ditës edhe verifikimin e listave të fundit të kandidatëve për këshilltarë komunash dhe kandidaturat për kryetarë të cilat janë dorëzuar në zyrat e tyre të paktën 1 javë më herët.

Partitë më të mëdha politike dhe koalicionet që garojnë në zgjedhjet lokale të tetorit nuk janë informuar se eventualisht kandidaturat e nominuara prej tyre kanë lëshime të caktuara dhe që nuk do të pranohen.

“Nuk janë konfirmuar akoma të gjitha kandidaturat meqë afati i fundit është sonte në mesnatë dhe kjo do të bëhet ndërkohë. Megjithatë, nga ata që janë shqyrtuar, deri tani nuk ka pasur asnjë pengesë.”

Përgjigje të ngjashme morëm edhe nga LSDM-ja dhe VMRO-DPMNE-ja, sipas Alsat.

Në datën 23 shtator, partitë politike dhe kandidatët e pavarur pjesëmarrës në zgjedhje do të mblidhen në Komisionin Shtetëror të Zgjedhjeve për shortin i cili do të përcaktojë radhitjen e tyre në fletëvotime.

Lista zgjedhore, në format përfundimtar do të mbyllet deri në datën 24 shtator dhe do të firmoset më 1 tetor. Fushata zgjedhore fillon më 27 shtator.

Related posts

MPB konfirmon lajmin e Zhurnalit: Kapet marihuanë me vlerë 150 mijë euro

Z H

Qeveria: Përdorimi personal i kanabisit nuk është vepër penale

D V

Simulim të shfrytëzimit të pajisjes për identifikim biometrik të votuesve me shenja nga gishti

D V

This website uses cookies to improve your experience. We'll assume you're ok with this, but you can opt-out if you wish. Accept Read More