Zjarr në Gjirokastër gjatë gjithë natës – zjarrfikësit në luftë për shuarjen e flakëve

Zjarri mbi Gjirokastër ka vazhduar gjatë gjithë natës.

Zjarrfikësit kanë luftuar me zjarrin për të  mos lejuar avancimin drejt qytetit dhe fshatrave në të dy krahët.

Disa dhjetëra efektivë nga Tepelena dhe Përmeti kanë ndihmuar gjatë natës për të mbajtur nën kontroll situatën.

Lufta me flakët vijon ende. Në operacion aktualisht po marrin pjesë rreth 180 forca të zjarrfikëseve, ushtrisë dhe vullnetarëve.

Njeri grup po punon për bllokimin e zjarrit në drejtim të fshatit Mashkullorë, një grup në drejtim të qytetit dhe grupi tjetër në kufirin e Gjirokastrës me fshatin Lazarat.