Shkup, 8 korrik – Zv/Ministri për Transport dhe Lidhje, Bekim Rexhepi, bashkë me Ministrin Boçvarski kanë realizuar takim pune me ambasadorin e Polonisë në Republikën e Maqedonisë së Veriut SH.T Wojciech Tyciński.
“Ambasadorin e informuam për projektet infrastrukturore që realizohen në Republikën e Maqedonisë së Veriut në pjesën e infrastrukturës rrugore dhe hekurudhore si dhe për projektin e gasifikimit në vend. Gjithashtu në takim u diskutua çështja e kandidaturës polake në Këshillin e Organizatës ndërkombëtare detare” – thuhet në komunikatë.
Në takim u shkëmbye mendime dhe përvojat e të dy shteteve në lidhje me përballjen me sfidat nga Kovid kriza.
Njëheri i shprehëm faleminderim për bashkëpunimin e deritanishëm , dhe e veçuam nevojën për intensifikimin e bashkëpunimeve të tilla në periudhën e ardhshme. /KlanMacedonia