|
Getting your Trinity Audio player ready...
|
Borussia Dortmund ka zyrtarizuar transferimin e mesfushorit anglez Jobe Bellingham nga Sunderland. Klubi gjerman siguron kështu një nga talentet më premtues në futbollin evropian.
19-vjeçari ndjek gjurmët e vëllait të tij, Jude Bellingham, i cili shkëlqeu më parë në Dortmund përpara se të transferohej te Real Madridi.
Sipas raporteve, tarifa fillestare e transferimit është 33 milionë euro, me bonuse që mund ta çojnë shumën totale deri në 38 milionë euro.
Jobe vjen pas një sezoni shumë të mirë në Championship, ku zhvilloi 43 ndeshje, shënoi katër gola dhe u përfshi në formacionin e sezonit.
Mesfushori i ri ka nënshkruar një kontratë pesëvjeçare me Dortmundin, që e mban të lidhur me klubin deri në vitin 2030.
Ky transferim e konfirmon edhe një herë reputacionin e Borussia Dortmund si destinacion ideal për zhvillimin e lojtarëve të rinj dhe talentuar.
Dortmund synon ta regjistrojë Bellingham në kohë për Kupën e Botës për Klube që do të zhvillohet në SHBA, duke i mundësuar një debutim të rëndësishëm në arenën ndërkombëtare.