Agjencia Zhurnal.mk
Bota

Zyrtarët e Shtëpisë së Bardhë do të marrin vaksinat e para të Pfizer

Anëtarët e lartë të administratës së presidentit amerikan, Donald Trump do të jenë ndër njerëzit e parë që do të vaksinohen kundër koronavirusit në SHBA, thonë zyrtarët.

Zyrtarët thanë se disa punonjës të Shtëpisë së Bardhë pritet të marrin vaksinën e kompanisë Pfizer/BioNTech këtë javë.

Një zyrtar i tha agjencisë së lajmeve Reuters në kushte anonimiteti se vaksinimet do të sigurojnë që qeveria mund të “vazhdojë operacionet thelbësore, pa ndërprerje”.

Por, të dielën, presidenti, Donald Trump, tha se vaksinat në këtë fazë do të ofroheshin vetëm në raste specifike.

Vaksina ofron mbrojtje deri në 95% kundër COVID-19 dhe u konsiderua e sigurt nga rregullatorët e SHBA-së, të cilët të premten vendosën ta miratojnë për përdorim.

Tre milionë dozat e para të vaksinës aktualisht po shpërndahen në dhjetëra vende në të 50-të shtetet në SHBA dhe vaksinimet pritet të fillojnë të hënën (14 dhjetor).

Numri i vdekjeve nga koronavirusi është rritur ndjeshëm që nga nëntori në SHBA.

Të shtunën u raportua për 3.309 vdekje, numër rekord krahasuar me gjitha vendet e botës.

Por, shpërndarja e vaksinës po supozohet se do të jetë një pikë kthese në pandeminë e koronavirusit, e cila ka marrë jetën e pothuajse 300.000 njerëzve në SHBA.

Postime të ngjashme

Papa Françesku përfundon vizitën 4 ditore në Irak: Gjithmonë në zemrën time

S.B.

Në Danimarkë zbulohen 31 lloje të ndryshme të COVID

S.B.

Paralajmërimi i Faucit: Është shumë herët për t’i dhënë fund kufizimeve të vendosura nga COVID-19!

S.B.

Mianmar, dy protestues u vranë nga policia

S.B.

Shpërthimi i fuqishëm në Guinea Ekuatoriale, të paktën 15 persona të vdekur

S.B.

Rritet sërish numri i infektuarve me koronavirus në Evropë

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...