Një burrë në një tren me distancë të gjatë në Gjermaninë jugore sulmoi dhe lëndoi lehtë katër persona me një çekiç para se të ndalohej nga policia, njoftuan autoritetet.
Policia në Straubing tha se sulmi ndodhi në një tren ekspres ICE që udhëtonte nga qyteti verior i Gjermanisë, Hamburg, drejt kryeqytetit austriak, Vjenës, ndërsa ishte midis Straubing dhe Plattling në shtetin jugor të Bavarisë.
Bëhet e ditur se rreth 500 persona ishin në bord kur ndodhi sulmi, shkruan euronews, përcjell Telegrafi.
Ndërsa rreth 150 oficerë policie, zjarrfikës dhe personel emergjence u dërguan në vendngjarje. Linja hekurudhore u mbyll.
Policia fillimisht tha se autori përdori një sëpatë në sulm, por më vonë tha se dyshohet se përdori një çekiç dhe me shumë mundësi armë të tjera, të cilat nuk i identifikuan më tej.
Ata e identifikuan burrin si një shtetas sirian 20-vjeçar.
Por nuk dhanë detaje të mëtejshme mbi identitetin e sulmuesit apo motivin e tij.
Më vonë njoftuan se ai u mposht nga pasagjerët e tjerë dhe gjithashtu ishte lënduar.