Rajoni Autonom i Xizang-ut në Kinën Jugperëndimore duhet t’i kushtojë më shumë forca zhvillimit me cilësi të lartë në fusha si energjia e pastër, shërbimet moderne, kultura e turizmi etj. Kështu u shpreh presidenti i vendit Xi Jinping gjatë një vizite në këtë rajon.
Më shumë përpjekje do të bëhen për ndërtimin e veprave të mëdha, si hidrocentralet dhe hekurudhat, për mbrojtjen ekologjike, uljen e lëshimit të karbonit, pakësimin e ndotjes dhe shtimin e gjelbërimit, për të ruajtur “çatinë e botës” dhe “depozitën e ujit të Azisë”, siç quhet ky rajon.
Po ashtu, duhet të forcohen edhe shkëmbimet ekonomike, kulturore e njerëzore midis Xizang-ut dhe krahinave të tjera të vendit, duke garantuar qëndrueshmërinë politike e shoqërore dhe unitetin kombëtar, për t’u sjellë përfitime banorëve të kombësive të ndryshme të rajonit në fusha të tilla si punësimi, arsimi, shëndetësia etj.