Më datë 18.11.2025, rreth orës 16:05, zyrtarë policorë të SPB Tetovë kanë privuar nga liria një 67-vjeçar nga një fshat i Tetovës. Veprimi është ndërmarrë pas një raportimi paraprak nga një 58-vjeçar, banor i të njëjtit fshat, i cili ka njoftuar se personi i dyshuar kishte kryer ngacmim seksual ndaj vajzës së tij 17-vjeçare.
I dyshuari është shoqëruar në stacionin policor të Tetovës, ku janë ndërmarrë të gjitha masat procedurale të parapara me ligj. Për rastin është njoftuar edhe Qendra për Punë Sociale Tetovë, e cila do të përfshihet në procedurat e mëtejshme për mbrojtjen e të miturës.
Pas dokumentimit të plotë të ngjarjes, ndaj të dyshuarit do të ngriten parashtresat përkatëse. Autoritetet kompetente po vazhdojnë me veprimet e nevojshme ligjore.