Burime nga La Liga, përfshirë Matteo Moretton, raportojnë se Real Madridi ka nisur bisedimet për rinovimin e kontratës së Antonio Rudiger.
Mbrojtësit gjerman i skadon kontrata në fund të sezonit dhe, pavarësisht zërave për një largim të mundshëm, ai mbetet i prirur të vazhdojë aventurën me kampionët e Spanjës.
Edhe Real Madridi e vlerëson lart kontributin e tij dhe synon ta mbajë në skuadër, pavarësisht problemeve fizike që e kanë shqetësuar gjatë sezonit 2025/26.
Ndërkohë, disa klube të Ligës Profesionale Saudite po monitorojnë situatën e ish-mbrojtësit të Chelseat, por Rudiger duket se preferon të qëndrojë në Evropë dhe të vazhdojë të konkurrojë në nivelin më të lartë.
32-vjeçari aktualisht është në fazën e rikuperimit nga një dëmtim afatgjatë në kofshë dhe pritet të rikthehet në fushë në fillim të vitit të ardhshëm.