Shkup, 19 nëntor – Kryetari i Qytetit të Shkupit, Orce Gjorgjievski gjatë ditës së sotme nënshkroi gjithsej 1 032 raste nga tatimi i pronës, tatimi i qarkullimit, trashëgimi dhe dhuratë, si dhe vendime për taksën komunale për taksat e kompanive.
“Ky është një tregues i qartë se institucionet po punojnë me një dinamikë që ju ngjan qytetarëve. Këto janë raste të të gjitha bazave ligjore, për të cilat tani do të bëhet praktikë të përgatiten me një ritëm të përshpejtuar dhe të rregullt. Këto zgjidhje të gatshme do t’u shpërndahen taksapaguesve sa më shpejt të jetë e mundur. Që tani e tutje, asnjë zgjidhje pa një mosmarrëveshje ligjore nuk do të ngecë në labirintet administrative, thuhet në postimin e kryetarit të Qytetit të Shkupit, Gjorgjievski në Fejsbuk.
Ai thekson se po rivendosin rendin, përgjegjësinë dhe po veprojnë në kohë.
“Qytetarët duhet të marrin shërbimet kur kanë nevojë për to. Ky është një parim nga i cili nuk ka lëshim, ashtu siç u premtua në programin tim zgjedhor. Të nderuar, po bëjmë përpjekje serioze për të rritur të ardhurat e Qytetit, me qëllim që të shlyejmë detyrimet me kohë në interes të të gjithë qytetarëve. U bëjmë thirrje të gjithë individëve dhe personave juridikë që t’i përmbushin detyrimet e tyre ndaj Qytetit të Shkupit në kohë dhe në mënyrë të përgjegjshme. Është koha që të gjithë ne të japim kontributin tonë. Së bashku, ta çojmë Shkupin përpara”, qëndron në postimin e Gjorgjievskit.