Varshavë, 6 mars – Të gjitha vendet anëtare të NATO-s duhet të rrisin menjëherë shpenzimet e mbrojtjes në të paktën tre për qind të BPK-së, tha sot presidenti polak Andrzej Duda në një konferencë të përbashkët për shtyp në Bruksel me Sekretarin e Përgjithshëm të NATO-s Mark Rutte.
“Unë i kam paraqitur një kërkesë me shkrim Sekretarit të Përgjithshëm për ta ngritur këtë çështje në samitin e ardhshëm në Hagë dhe për të marrë një vendim për të ndarë të paktën tre për qind të BPK-së së vendeve anëtare të aleancës për mbrojtjen”, tha Duda.
Synimi i anëtarëve të NATO-s është të ndajnë dy për qind në vit, ndërsa Kroacia, Portugalia, Italia, Belgjika, Luksemburgu, Sllovenia dhe Spanja ndajnë më pak se dy për qind të BPK-së, sipas të dhënave të Aleancës.