Ish-ministri i Jashtëm i Kosovës, Enver Hoxhaj ka reaguar me një mesazh ngushëllues dhe përkrahës në rrjetet sociale pas lajmit të publikuar nga mediat amerikane se ish-presidenti amerikan Joe Biden është diagnostikuar me një formë agresive të kancerit të prostatës, e cila është përhapur në kocka.
“Me shumë pikëllim mora lajmin për diagnozën e Presidentit Joe Biden. Në këto momente sfiduese, i dërgoj gjithë mbështetjen dhe urimet e mia më të sinqerta për forcë e shërim të shpejtë. Mendimet dhe lutjet e mia janë me të dhe familjen e tij.”, ka shkruar Hoxhaj.
Ky reagim vjen në një moment të vështirë për Presidentin Biden, ndërsa zyra e tij ka konfirmuar se ai dhe familja e tij po shqyrtojnë opsionet e trajtimit pas një vlerësimi mjekësor që zbuloi një “nodul të vogël” në prostatë, që kërkonte ekzaminime të mëtejshme.