Shkup, 28 tetor – Ministria e Drejtësisë e mbështet fuqishëm krijimin e Akademisë për Trajnim dhe Avancim të Nëpunësve Administrativë, një institucion i ri që do të mundësojë arsimim të vazhdueshëm dhe zhvillim profesional për të punësuarit në sektorin publik.
Krijimi i kësaj akademie përfaqëson një hap kyç drejt ndërtimit të një administrate publike moderne, profesionale dhe kompetente, e cila do të përputhet me standardet evropiane të efikasitetit, transparencës dhe llogaridhënies. Me themelimin e saj, vendosen bazat për një sistem të qëndrueshëm dhe cilësor të trajnimeve, që do të kontribuojë në përmirësimin e shërbimeve ndaj qytetarëve dhe në rritjen e besimit në institucione.
Akademia do të mundësojë:
trajnim dhe avancim sistematik të nëpunësve administrativë,
përmirësim të cilësisë dhe efikasitetit të institucioneve,
ndërtim të një administrate profesionale dhe kompetente në përputhje me standardet evropiane.
Krijimi i një sistemi të tillë është një hap vendimtar drejt një administrate moderne, transparente dhe të përgjegjshme, që është plotësisht në shërbim të qytetarëve.