Aliu: Së shpejti do të ketë revidim të listës së barërave, kjo do të bëhet dy herë në vit

Shkup, 24 shtator – Lista e barërave do të revidohet dy herë në vit dhe do të kemi barëra të reja. Është nga fundi një prej procedurave dhe shpresoj se së shpejti do të kemi revidim të listës së barërave, theksoi sot ministri i Shëndetësisë, Azir Aliu, duke u përgjigjur në pyetje të gazetarëve në konferencë për shtyp.

Ai theksoi se tashmë ka hap të parë, ka modul të ri informativ elektronik “Sistem për evidentim dhe menaxhim të kërkesave për Listën pozitive” dhe përmes tij do të dihen datat kur do të mbahen takimet e anëtarëve të Komisionit për revidim të listës pozitive dhe kur do të ketë zgjerim të saj.