Shkup, 17 nëntor – Kryeministri Hristijan Mickoski tha se është hapur thirrja publike për rreth 55,000 studentë, të cilët do të marrin nga 12,300 denarë për blerje të pajisjes elektronike, përcjell TV21. Mickoski tha se thirrja do të jetë e hapur deri më 1 janar të vitit 2026.
“I ftoj të gjithë studentët të aplikojnë. Mendoj se janë 55,000 në numër. Atë që e kemi premtuar, edhe po e realizojmë. 12,300 denarë mendoj se merr çdo student për furnizim me pajisje elektronike. Nuk deshëm që si shumë qeveri, ta bënim këtë para zgjedhjeve, sepse mos të nënkuptohej si sjellje joetike nga ana e qeverisë. Pritëm mbarimin e zgjedhjeve, me vendim zyrtar nga KSHZ dhe ta publikonim këtë thirrje. Kështu që u bëj thirrje studentëve që të paraqiten në këtë thirrje publike, që është i hapur deri më 1 janar të vitit 2026”, deklaroi Mickoski.
Linku: https://uslugi.gov.mk/service-details.nspx?serviceId=5980