Drejtori i CIA-s, John Ratcliffe, tha të mërkurën se SHBA-ja ka ndërprerë shkëmbimin e inteligjencës dhe dërgesat e armëve në Ukrainë pas përplasjes në Zyrën Ovale midis presidentit Volodymyr Zelensky dhe presidentit të SHBA-së, Donald Trump të premten e kaluar.
“Trump kishte një pyetje të vërtetë nëse presidenti Zelensky ishte i përkushtuar ndaj procesit të paqes dhe ai tha të ndalojmë”, ka thënë Ratcliffe për mediat botërore, përcjell Telegrafi.
Ratcliffe shprehu shpresën se pauza do të hiqet së shpejti dhe theksoi angazhimin e tij për të punuar me Ukrainën drejt arritjes së paqes, pas një letre nga presidenti ukrainas drejtuar Trump.
“Dhe unë mendoj se ne do të punojmë krah për krah me Ukrainën pasi duhet të zmbrapsim agresionin që është atje, ta vendosim botën në një vend më të mirë që këto negociata paqeje të ecin përpara”, shtoi drejtori i CIA-s.