211
Shkup, 27 shtator – Kandidati i koalicionit VLEN për Komunën e Sarajit, Muhamet Elmazi, zhvilloi një ndeshje futbolli me banorët e fshatit Arnaqi, ku atmosfera u mbush me lojë, energji dhe shoqëri të mirë.
“Shënuam shumë gola sonte, por golin e fitores do ta shënojmë së bashku më 19 tetor, duke rrethuar numrin 7 me një zë”, u shpreh Elmazi.
Ai theksoi se përmes aktiviteteve të tilla dëshiron të përcjellë mesazhin e bashkimit dhe solidaritetit, që sipas tij janë çelësi për të sjellë ndryshimin e pritur në Saraj.