Elon Musk ka mohuar pretendimet se mund të ketë diçka me kryeministren italiane, Giorgia Meloni, pasi një foto e tyre, duke u parë me emocion në sytë e njëri-tjetrit u bë virale.
Titani i teknologjisë, dhe kryeministrja italiane u fotografuan bashkë në një event, gjatë të cilit Musk i dhuroi Melonit çmimin Global Citizen nga Atlantic Council, shkruan Sky News.
Megjithatë, një fotografi e tyre nga eventi në New York i vuri flakën internetin, ku njerëzit nisën një sërë spekulimesh për dyshen.
“Të gjithë e dimë se çfarë ndodhi më pas…”, shkroi një përdorues.
Megjithatë, titani i teknologjisë, Musk, i riktheu përgjigjen këtyre pretendimeve: “Isha aty me nënën. Nuk kam asnjë lidhje romantike me kryeministren Meloni.
Meloni, thuhet se kishte kërkuar që Musk të ishte personi që do t’i dorëzonte çmimin në ngjarjen e së hënës, ndërsa biznesmeni i teknologjisë udhëtoi në Itali dy herë vitin e kaluar për të takuar udhëheqësen italiane – gjatë muajit qershor dhe dhjetor.
Miliarderi i thuri lëvdata asaj, teksa i dorëzoi çmimin, duke thënë se ishte “dikush që është edhe më e bukur brenda se jashtë”.