Kina po rrit mbrojtjen ligjore për bizneset private duke forcuar mbikëqyrjen e zbatimit të ligjit administrativ. Ky veprim vjen ndërsa vendi përgatitet të zbatojë ligjin e tij të parë themelor dedikuar nxitjes së sektorit privat, i cili do të hyjë në fuqi më 20 maj.
Në një konferencë për shtyp të enjten, zv/Ministri i Drejtësisë Wang Zhenjiang tha se ligji për nxitjen e sektorit privat, adreson shqetësimet e hershme nga ndërmarrjet private, duke përfshirë inspektimet e tepërta, gjobat arbitrare apo edhe zbatimin e ligjit nga autoritetet lokale të nxitur nga fitimi.
Ndërkohë, do të nisë një fushatë mbarëkombëtare për të standardizuar zbatimin e ligjit administrativ që përfshin bizneset. Wang tha se ministria do ta përdorë shpalljen e ligjit, si një mundësi për t’i nxitur të gjitha autoritetet lokale, të intensifikojnë përpjekjet e tyre në hetimin dhe ndëshkimin e shkeljeve të ligjit administrativ.