Gjatë ditës së djeshme, në Kosovë janë raportuar gjashtë raste të dhunës në familje.
Në raportin 24 orësh të policisë bëhet e ditur se dy raste kanë ndodhur në Pejë, tre në Prishtinë dhe një në Kaçanik.
Tutje në raport thuhet se nga gjashtë rastet e paraqitura, pesë persona janë arrestuar ndërsa një në Pejë është liruar në procedurë të rregullt.
“Pejë 22.09.2025 – 09:15. Është arrestuar i dyshuari mashkull kosovar, nën dyshimin se në gjendje të dehur ka sulmuar fizikisht viktimën -nënën e tij. Njësitet policore gjatë bastisjes në banesë kanë gjetur dhe konfiskuar dy qese me substancë të dyshuar narkotike të llojit marihuanë, një mulli për bluarje e substancave narkotike dhe letra për mbështjelljen e tyre. Me vendim të prokurorit, i dyshuari pas intervistimit është dërguar në mbajtje.
Pejë 22.09.2025, 09:00. Është raportuar se bashkëshorti ka ushtruar dhunë psikike ndaj bashkëshortes. I dyshuari është arrestuar dhe pas intervistimit me vendim të prokurorit është liruar në procedurë të rregullt.
Kaçanik 22.09.2025 – 00:30. Është arrestuar i dyshuari mashkull kosovar-me probleme psikike-mendore, nën dyshimin se i njëjti vazhdimisht ka ushtruar dhunë psikike dhe fizike ndaj viktimës-bashkëshortes së tij. I dyshuari fillimisht është dërguar në QKMF-Kaçanik për tretman mjekësor, e pastaj në konsultim me prokurorin, është dërguar në mbajtje.
Prishtinë 22.09.2025 – 00:00. Është iniciuar rasti ku të përfshirë kanë qenë bashkëshortët, bashkëshortja si viktimë. Policia ka konfiskuar një pistoletë e cila dyshohet të jetë pronë e të dyshuarit. I dyshuari është arrit të arrestohet dhe me vendim të prokurorit është dërguar në mbajtje.
Gllogoc 22.09.2025 – 18:00. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Me vendim të prokurorit i dyshuari është dërguar në mbajtje.
Prishtinë 22.09.2025 – 17:20. Është arrestuar i dyshuari mashkull kosovar, pasi që kishte ushtruar dhunë psikike ndaj bashkëshortes së tij. Me vendim të prokurorit i dyshuari është dërguar në mbajtje”, thuhet në raport.