Këtë javë ka nisur gjyqi ndaj reperes së njohur Cardi B, e cila akuzohet nga roja e sigurisë, Emani Ellis, për një incident të ndodhur në një klinikë mjekësore në vitin 2018.
Ellis kërkon 24 milionë dollarë (20.5 milionë euro) dëmshpërblim, duke pretenduar se reperja e kishte “sulmuar në mënyrë të dhunshme, të paligjshme, të qëllimshme, të papritur dhe dashakeqe”, duke e goditur, pështyrë, sharë dhe ofenduar me gjuhë raciste.
Në atë kohë, Cardi B ishte shtatzënë dhe kishte një kontroll gjinekologjik të planifikuar. Ajo mohon që ka pasur kontakt fizik dhe pretendon se truproja e kishte ndjekur dhe filmuar, raporton BuzzFeed.
Procesi gjyqësor u bë menjëherë temë virale në rrjetet sociale, kryesisht për shkak të shprehive të fytyrës së Cardi-t dhe përgjigjeve të saj brutalisht të sinqerta gjatë pyetjeve nga avokatët.
Një nga momentet që u shpërnda më shumë ishte kur reperja, e dukshëm e tensionuar, shpjegoi se gjatë incidentit ishte “shumë e shqetësuar për sigurinë e saj”.
Situata mori një kthesë të çuditshme kur avokati i paditëses, Ron Rosen, e pyeti për flokët e saj: “Cilët janë flokët tuaj të vërtetë? Apo të dyja janë të vërteta?”, e pyeti ai. Cardi u përgjigj me qetësi: “Janë paruke”.
Menjëherë pas kësaj, avokati e pyeti nëse kishte lidhje me ndonjë bandë, duke e bërë sallën të përshpëriste. Cardi nuk hezitoi të pranonte se e kishte fyer truprojen. Kur avokati e pyeti: “E quajtët të shëndoshë?”, ajo u përgjigj prerë: “Jo, e quajta kuçkë”.
Kjo përgjigje shkaktoi të qeshura në sallë, gjë që dukshëm e irritoi avokatin e palës paditëse, i cili po përpiqej ta mbante seancën në ton serioz.
Avokati nguli këmbë të pyesë reperen për përdorimin e fyerjeve racore. Kur e pyeti nëse e konsideron veten afrikano-amerikane, Cardi tha: “Unë e konsideroj veten afro-karibiane”.
Në pyetjen e drejtpërdrejtë nëse kishte përdorur një shprehje racore ndaj Emani Ellis, ajo u përgjigj: “Jo”.
Në një moment, për shkak të tonit të avokatit që u konsiderua “shumë argumentues”, gjyqtari ndërhyri duke i bërë thirrje palëve që të ulin tensionin.
Në një nga momentet më të mprehta, Cardi i tha avokatit të “hapë sytë” dhe duket se u tall me ndryshimet fizike mes saj dhe rojes që e kishte paditur.
Gjithashtu, ajo nuk ngurroi të tregonte hapur se nuk kuptonte disa nga termat juridikë. Hutimi i saj u bë menjëherë pjesë e meme-ve online, duke argëtuar ndjekësit në rrjete sociale.
Përveç përgjigjeve, vëmendjen e të gjithëve e tërhoqi edhe paraqitja e saj. Një nga paruket që kishte vendosur gjatë gjyqit u krahasua në Twitter me modelin e flokëve të Kris Jenner, me komente ironike se “kur Cardi shfaqet me këtë pamje, e ka shumë seriozisht punën”.
Cardi B @Cardi B will return to the witness stand tomorrow after testifying for about 50 minutes in her civil assault trial in Los Angeles County Superior Court today (Tuesday, August 26, day 2). Cardi is being sued by Emani Ellis, a now-former security guard at a medical center who claims Cardi assaulted her while pregnant and there for an appointment with an OB-GYN in February 2018. Ellis claims Cardi spit on her and called her the n-word racial epithet. Ellis’ lawyer Rob Rosen is a little, uh, rough around the edges in his questioning and entire approach to the trial, and his questioning of Cardi today exemplified this. He focused so much on the process and responses to discovery and witness disclosures, and he couldn’t get through the questioning without Judge Ian Fusselman sustaining an objection from Cardi’s lawyer Peter Anderson. Fusselman sustained Anderson’s objection for relevance when Rosen asked Cardi about her ethnic background, but he then asked if she considers herself African American and she answered, “I consider myself Afro Caribbean.” “Have you ever used the N-word with Ms. Emani Ellis?” Rosen asked today. “No,” Cardi answered. You can watch Cardi’s testify about the encounter here @Meghann Cuniff. #celebrity #cardib #law #court #news ♬ original sound – Meghann Cuniffhttps://www.tiktok.com/embed/v2/7543086786084408589?lang=en-US&referrer=https%3A%2F%2Ftelegrafi.com%2Fgjyqi-cardi-b-eshte-bere-hit-ne-internet-deklaratat-e-saj-kane-shkaktuar-te-qeshura-ne-sallen-e-gjykimit%2F