Kryetari i Aleancës për Ardhmërinë e Kosovës, Ramush Haradinaj, ka reaguar pas lajmit se Siria e ka njohur zyrtarisht pavarësinë e Kosovës.
Ai ka thënë se ky është një hap i rëndësishëm në forcimin e pozicionit ndërkombëtar të vendit, raporton Klankosva.tv.
Haradinaj ka vlerësuar rolin e Presidente Vjosa Osmani në këtë proces, duke thënë se njohja dëshmon efikasitetin e bashkëpunimit me aleatët.
“Njohja e Kosovës nga Siria është lajm që tregon se bashkëpunimi i ngushtë me miqtë dhe aleatët sjell rezultate të jashtëzakonshme. Vlerësoj punën e Presidentes në këtë sukses për afirmimin e shtetit tonë, duke u bërë kështu 120 shtete që e njohin Kosovën që nga pavarësia e saj. Kemi shumë punë përpara, mirëpo Kosova është këtu për të qëndruar me botën demokratike, në një frymë me aleancat tona”, shkroi Haradinaj.