Java e parë e shtatorit pritet të nisë me mot të qëndrueshëm, por do të sjellë ndryshime nga e mërkura.
Sipas parashikimeve meteorologjike, dy ditët e para të javës do të karakterizohen me mot të kthjellët dhe vranësira të shpërndara, ndërsa nga mesjava pritet të rikthehen reshjet e shiut.
Të hënën, moti do të jetë kryesisht me diell dhe vranësira kalimtare.
Temperaturat minimale do të lëvizin nga 10 deri në 15 gradë Celsius, ndërsa ato maksimale do të arrijnë deri në 30°C.
Era do të fryjë kryesisht nga drejtimi veriperëndimor, e lehtë deri mesatare.
Në ditët në vijim pritet rënie e lehtë e temperaturave dhe kushte për reshje lokale, veçanërisht nga dita e mërkurë.
Temperaturat minimale gjatë javës do të variojnë nga 8 në 16°C, ndërsa maksimalet nga 22 deri në 33°C.