Siç raportohet, Tim Cook mund të jetë gati të largohet nga pozicioni i tij si CEO i Apple që vitin e ardhshëm dhe bordi i drejtorëve dhe drejtuesit e lartë të kompanisë kanë shtuar përgatitjet për të siguruar zëvendësimin e tij. Cook, i cili ka qenë në krye të Apple për më shumë se 14 vjet, pasoi legjendarin Steve Jobs dhe e udhëhoqi kompaninë drejt një kapitalizimi tregu prej më shumë se 4 trilionë dollarësh.
Që nga viti 2011, Cook ka mbikëqyrur prezantimin e pajisjeve të ndryshme, duke përfshirë Apple Watch, kufjet AirPods dhe syzet Vision Pro, si dhe shërbime të tilla si Apple Arcade dhe Apple TV+. Ai mund të pasohet nga zv/presidenti i lartë i inxhinierisë në Apple, John Ternus, por ky vendim nuk është finalizuar ende. Ternus ka qenë me Apple që nga viti 2001 si pjesë e ekipit të tyre të dizajnit të produkteve.
Ndërsa CEO i Apple, Tim Cook mori një pagë bazë prej 3 milionë dollarësh në vitin 2024 për të tretin vit radhazi, ekzekutivi gjithashtu fitoi shpërblime dhe kompensime të tjera që e çuan pagën e tij totale në rreth 74.6 milionë dollarë vitin e kaluar. Për Cook, kjo përfaqëson një rritje prej 18% nga viti i kaluar. Ndryshe, për të gjithë vitin fiskal 2024, Apple mori pak më pak se 295 miliardë dollarë, që ishte një rënie e lehtë nga 2023.
Fitimet neto të kompanisë gjithashtu ranë nga 97 miliardë dollarë në vitin fiskal 2023 në 93.74 miliardë dollarë në 2024. Nën udhëheqjen e Cook, Apple raportoi një rritje të vogël në shitjet fiskale të iPhone, të cilat u rritën për 0,2% në 201.18 miliardë dollarë. Gjithashtu, aksionet e kompanisë u rritën gjatë vitit nga 191,59 dollarë në 250,42 dollarë. Bëhet e ditur se përveç raportimit të pagës së Cook për vitin 2024, tre drejtues të tjerë të Apple morën secili të njëjtin kompensim.