82
Shkup, 27 tetor – Kryetari i Komunës së Tetovës, Bilall Kasami, ka zhvilluar takime me banorët e Sellcës dhe Vicës, ku ka folur për projektet e realizuara dhe planet për zhvillimin e mëtejshëm të Malësisë së Tetovës.
Kasami theksoi se banorët e këtyre zonave kanë vlerësuar punën e bërë deri më tani dhe mbështesin vizionin për një Tetovë të zhvilluar dhe me dinjitet.
“Malësia e Tetovës zgjedh zhvillimin dhe dinjitetin. Sellca dhe Vica vlerësojnë punën dhe nuk pranojnë të keqpërdoren,” u shpreh Kasami, duke falënderuar për mikpritjen e ngrohtë të qytetarëve.
Ai shtoi se më 2 nëntor Tetova do të vulosë “Fitoren e Madhe”, duke ftuar qytetarët të bashkohen për të vazhduar rrugën e zhvillimit dhe përmirësimit të jetës në komunë.