Shkup, 16 tetor – Kryetari i komunës së Butelit dhe njëherësh kandidat i VMRO-DPMNE-së për mandatin e dytë, Darko Kostovski, ka njoftuar për nisjen e një faze të re të punimeve infrastrukturore në vendbanimin Luboten.
“Sapo e filluam ndërtimin e rrugës së dytë kryesore në Luboten. Do të realizojmë rikonstruksion të plotë të një pjese të rrugës 3, ndërsa vetëm para disa ditësh e përfunduam rrugën 1”, ka shkruar Kostovski në statusin e tij në facebook.
Kostovski gjithashtu ka theksuar se me këto projekte, për herë të parë që nga viti 1998, po realizohet rikonstruksioni i plotë i rrugëve kryesore në Luboten.
Kostovski shtoi gjithashtu se paralelisht po zhvillohen me intensitet të lartë punimet për rrjetin e ujësjellësit, me të cilin Luboteni do të furnizohet me ujë të pijshëm nga sistemi i qytetit.
“Le të jetë për hajr!”, ka përfunduar Kostovski, duke u bërë thirrje banorëve të Lubotenit që ta përkrahin në zgjedhje me rrethimin e numrit 9️⃣