Krijuesi dhe ylli i serialit “Baby Reindeer”, Richard Gadd ka treguar së fundmi për mediat pse nuk do të zbulojë identitetin e personave që e kanë frymëzuar serialin e tij.
Regjisori dhe aktori përsëriti kërkesën e tij për të gjithë njerëzit që hulumtuan të kaluarën e tij dhe u përpoqën të zbulonin identitetet e njerëzve të vërtetë.
Meqë ra fjala, seriali përbëhet nga shtatë episode dhe flet për karakterin ikonik të quajtur Donny Dunn, i luajtur nga Richard Gadd, teksa ai ngacmohet dhe përndiqet pa mëshirë nga Martha Scott, e luajtur nga Jessica Gunning, për më shumë se katër vjet.
Që kur seriali u njoftua në prill të këtij viti me fjalët “Kjo është një histori e vërtetë”, njerëzit në rrjetet sociale janë përpjekur të gjurmojnë njerëzit që frymëzuan personazhet e Martha dhe Darrien, një skenarist televiziv më i vjetër dhe i suksesshëm që abuzon me Donny.
Një grua, Fiona Harvey, së fundmi doli përpara dhe pretendon se personazhi i Marthas ishte frymëzuar prej saj. Ajo tha në një intervistë me Piers Morgan se njerëzit po e kërcënojnë me vdekje dhe se ajo do të padisë Gadd dhe Netflix.