Macron bisedon me presidentin e ri të Sirisë, fton Al-Sharaan të vizitojë Francën

Presidenti i Sirisë Ahmed al-Sharaa mori një ftesë nga presidenti francez Emmanuel Macron për të vizituar Francën në javët e ardhshme, tha zyra e presidentit sirian në një deklaratë të mërkurën.

Të dy diskutuan gjithashtu në një telefonatë sanksionet ekonomike të vendosura ndaj popullit sirian, shtoi zyra e tij.

Al-Sharaa ka vizituar gjatë ditëve të fundit Turqinë dhe Arabinë Sauditë ku ka zhvilluar takime zyrtare me liderët e vendeve përkatëse.

Nëse thirrja e Macron përkthehet në një vizitë zyrtare në ditët në vijim, kjo do të shënonte vizitën e parë zyrtare të al-Sharaa në një vend të BE-së pas rrëzimit të regjimit të Bashar al-Assad.