Mes diskutimeve Komisioni Qendror i Zgjedhjeve (KQZ) ka arritur që me gjashtë vota “për”, dhe kundërshtimet e Vetëvendosjes dhe kryetarit të KQZ-së, Kreshnik Radoniqi, u miratua buxheti për zgjedhjet e parakohshme për Kuvendin e Kosovës që do të mbahen me 28 dhjetor, si dhe fletëvtoimet do të dërgohen me postë. Mirëpo anëtari i KQZ-së nga radhët e VV-së, Alban Krasniqi ka paralajmëruar pasoja, raporton Ekonomia Online.
Arianit Elshani dhe Ilir Gashi , dy anëtarët e KQZ-së nga radhët e PDK-së para se të hidhej në votim plani, insistuan që fletëvotimet të dërgohen në diasporë origjinale, ashtu siç e parasheh rregullorja.
Fillimisht, kryetari i KQZ-së, Kreshnik Radoniqi tha se nuk është i gatshëm t’i humbas 3 milionë e 722 mijë euro.
“Një çështje. Jena të sigurtë në var të përgjigjes nga PTK dhe DHL se ky operacion ka me dështu. E kemi raportimin se nuk mundet me u realizu, janë pyetje 3 milionë e 722 mijë euro që janë të parapara… nuk jam i interesuar me i djegë 3 milionë euro”, tha ai.
Iu kundërpërgjigj anëtari i KQZ, Ilir Gashi.
“Nuk djegën”, i tha ai.
Sami Kurteshi tregoi pse nuk duhet të ndodhte kjo.
I bëjmë thirrje kolegëve që me votu buxhetin. Aspekti i pritshmërisë është me dështu dërgimi me postë… nuk po kuptojë ose spo mundem me kuptu qëndrimin që domosdo me u fut mjetet me u shpenzu mjetet kur kemi disa fakte, dëshmi që ka me dëshmu. Ky është aspekti i pritshmërive. Nuk jam në këtë aspekt me shndërru kur pritshmëritë janë me dështu. Është aspekti i pjesëmarrjes. Nëse e votojmë buxhetin dhe pranohen rekomandimet e sekretariatit që me të gjitha veprimet për garantimin e votës, sigurimin e votës që të shkohet përpara dhe të ju mundësohet votuesve që të votojnë natyrisht e kaluara po përmendet integriteti. Mirë është me folë edhe për integritetin e votë”, tha Kureshi.
Por as ky diskutim nuk kaloi pa një përpalasje mes anëtarëve të KQZ nga rdhët e PDK-së e LDK-së me ata të VV-së, në këtë rast me Alban Krasniqin.
Alban Krasniqi
Kjo këmbëngulja me çdo kush me ia mohu pjesëmarrjen në proces zgjedhor mërgatës nuk e di prej nga vjen ky panik
Ilir Gashi: 9 shkurt keni abuzu, i madh e i vogël. Ju e keni shku nëpër gjykata e ke dërgu kolegen tuaj natë e ditë në gjykata
Alban Krasniqi:
Edhe kolegët dhe ti e dini secili e pse nuk shkuat me i denoncu. Juve ju kanë dalë përgjimet dhe kryetari i partive e ka mshel. Por me pasë prokurorë të hairit i sh dalë. Por na nuk duhet me e mbyll qendrën e votimit pse dikush keqpërdor në një qendër votimi por duhet me u marrë me keqpërdoruesin. U thanë pasaktësi. Ta kesh parasysh Ilir ti dhe krejt kolegët, rregulloret është bërë vetëm për zgjedhjet dhe shkruan në marrëveshjen e secilit prej nesh por nëse don me shku në atë nivel le të shkon në fytyrën tënde dhe secili që dëshiron me deformu. Këtu edhe vlerat njerëzore kanë humb e me diskutu për integritetin e votës…
Sami Kurteshi:
Mos e personalizoni konfliktin se asnjëri prej jush nuk vendos cka bëjnë partitë. Jam njeri që punojë nganjëherë ankesa për PZAP. Pse breh më thu e ke çu subjektin.
Anëtari i VV-së në KQZ, Alban Krasniqi, ka kërcënuar anëtarët e KQZ-së që e votuan sot buxhetin për zgjedhjet e parakohshme të 28 dhjetorit.
“Një paralajmërim po ua jep të gjithëve, edhe zonjes Myfera që votojë për këtë pjesë. Paralajmërimi është kështu: më 12 dhjetor fillon votimi përmes postes. Ju tash që keni votu për, ju veç buxhetin e votuat, por dine për pasoja që keni me i pasë, edhe publikisht, edhe administrativisht, edhe cilado qofshin. Nëse për shkak të veprimeve tuaja mërgatës ju po ja mohoni formën e votimi përmes postës. Kështu që, le t`i merr secili propozimet e veta, por edhe sekretariatit le t`i shikon mirë. Sepse raporti që ata e kanë sjell tregon qartë që nuk mundohesh një votim i tillë. Nëse publikisht, sot ka njerëz këtu që votun për një buxhet, i cili në bazë të raporti tët sekretiariatit thotë që është abuzim me qat buxhet çfarëdo operacioni që bëhet sepse nuk me mbërrin qëllimin për të cilin bahet, dijeni që jemi duke ndërmarr veprime korruptive”, ka thënë Krasniqi.
Müferra Şinik ka reaguar shpejt duke treguar që dje dhe sot ka marr mesazhe telefonike rreth kësaj çështje.
Megjithatë, ajo nuk ka përmende emra se nga kush i ka marrë këto mesazhe.
“Tash, dje, sot, telefon, mesazhe, sa herë kam pasur preson unë. Çka mundemi me votu kam votu. Tash, dy herë me marrë fjalën dhe me thanë: Myfera, Myfera”, ka thënë ajo
Kryetari i KQZ-së, Kreshnik Radoniqi, është munduar të presionin, duke thënë se anëtarët e KQZ-së e kanë punën me presion.
Më pas, anëtari i VV-së në KQZ, Sami Kurteshi, e ka pyetur anëtaren turke në KQZ, nëse ka pasur presion nga ai.
Ajo ka thënë se nuk ka pasur presion nga Kurteshi.
Por, kur ky i fundit e ka pyetur, nëse ka pasur presion nga kolegu i tij Alban Krasniqi, përfaqësues tutke nuk e ka mohuar.
Ajo ka thënë që të mos i kërkohet që të përmend emra.
“Ai nuk është këtu, mos me pyet për emnin të lutem”, ka thënë ajo.