Mexhiti takon pensionistët e komunës së Çairit: Mbështetje konkrete dhe politika të qëndrueshme për një jetë të denjë

Shkup, 23 shtator – Zëvendëskryeministri i parë dhe kandidat i VLEN për kryetar të komunës së Çairit, Izet Mexhiti, sot ka realizuar takim me pensionistët e kësaj komune, duke vënë në pah rëndësinë e jashtëzakonshme që ata kanë për shoqërinë në vend.

“Kam kënaqësinë e veçantë të takohem me njerëzit që gjithë jetën ia kanë kushtuar ndërtimit të shoqërisë sonë. Ata meritojnë respektin dhe mbështetjen më të madhe”, u shpreh Mexhiti.