Ministria e Transportit duhet të nisë procedurën për blerjen e 120 autobusëve ekologjikë

Shkup, 8 prill – Qeveria sot në seancë e ka shqyrtuar dhe miratuar informacionin për dhënien e kontratës shumëvjeçare për prokurim publik për 120 autobusë ekologjikë për transport urban.

Siç informoi shërbimi për shtyp i qeverisë, Qeveria ka angazhuar Ministrinë e Transportit që të fillojë procedurën e prokurimit publik.

Shpërndarja, sqarojnë nga Qeveria, do të bëhet në përputhje me urgjencën, arsyetimin ekonomik dhe nevojat reale të secilës prej njësive të vetëqeverisjes lokale.