Mesfushori spanjoll, Pedri foli me fjalë të zgjedhura për Luka Modricin, yllin e madh të Kroacisë, para ndeshjes së tyre të parë në EURO 2024.
Asi i ri i Barcelonës tashmë ka përvojë në lojën kundër mjeshtrit të Real Madridit, për të cilën ka folur para ndeshjes së nesërme mes Spanjës dhe Kroacisë në kuadër të xhiros së parë të Kampionatit Evropian.
“Sa herë që isha në fushë me Modricin, vura re se ishte shumë e komplikuar për t’ia merr topin. Më duket sikur e ka të ngjitur në këpucën e tij! Dhe një gjë tjetër më befasonte, e cila nuk vihet re aq shumë në transmetimet televizive, është se Luka luan në ritëm që është i mrekullueshëm”.
Mesfushori kishte probleme me lëndimet sezonin e kaluar, por arriti të bëjë 34 paraqitje për Barcelonën, ku shënoi katër gola dhe asistoi pesë herë.
Sipas Transfermarkt, ai vlen 80 milionë euro dhe konsiderohet si një nga mesfushorët më të mirë sot.