Tregjet financiare po reagojnë në orët e fundit ndaj sulmeve të Izraelit ndaj Iranit pikërisht ashtu siç ishte parashikuar.
Çmimi i naftës është rritur ndjeshëm, ai i gazit natyror po rritet me ritme të shpejta, veçanërisht në Europë krahasuar me tregjet e tjera botërore.
Ndërkohë, ndikimi mbi bursat është i rëndë, megjithëse jo katastrofik. Përjashtim bëjnë tregjet e dy prodhuesve të mëdhenj të naftës jashtë Lindjes së Mesme: Rusia dhe Kanadaja.
Aktualisht, Irani prodhon rreth 3,3 milionë fuçi nafte në ditë (kryesisht të blera nga Kina përmes “flotave hije” që shmangin sanksionet), nga një konsum global prej afërsisht 104 milionë fuçi.
Me rreth 3% të ofertës botërore në rrezik, edhe pse është pak e mundshme që prodhimi iranian të bjerë nën gjysmën e nivelit aktual, është e kuptueshme që çmimet e naftës kanë shpërthyer sot në mëngjes. Nafta Brent është rritur me 8.8%, duke arritur në 75.5 dollarë për fuçi.