Sot është detektuar një fushatë e kordinuar dhe e sofistikuar e sulmeve kibernetike që po targeton mediat në Kosovë.
Kështu ka bërë të ditur eksperti i sigurisë kibernetike, Hekuran Doli përmes një postimi në rrjetet sociale.
Sipas Dolit, sulmi përhapet përmes një emaili të dyshimtë nga adresa mccarthypaula916@gmail.com, i cili përmban një virus të rrezikshëm.
“Sot ka fillu një kampanjë e koordinuar dhe e sofistikuar e sulmeve kibernetike që po targeton mediat në Kosovë, , e cila eshte detektu nga kolegu jonë Valton Tahiri. Një email nga mccarthypaula916@gmail.com, i cili e ka përmbajtjen sikurse në foto, përmban një virus të cilin nuk duhet ta hapni.”, shkroi Doli.
Ai i ka bërë thirrje të gjitha kompanive mediatike që nëse kanë hapur emailin, të kontaktojnë menjëherë administratorin e IT-së ose ekipin e “Cingerr”, kompani kjo që merret me sigurinë kibernetike.
Mediat në Kosovë edhe para disa javëve kanë qenë objekt i sulmeve të drejtpërdrejta kibernetike.