Deklarata e fortë vjen vetëm pak ditë para se komuniteti ndërkombëtar të shqyrtojë mundësinë e rivendosjes së sanksioneve ndaj Teheranit, për shkak të shqetësimeve mbi programin e tij bërthamor.
Gjatë fjalës së tij, Pezheskian u përpoq të sigurojë vendet anëtare të OKB-së se Irani nuk përbën një kërcënim bërthamor, duke theksuar se qëndrimi i Teheranit nuk ka ndryshuar.
“E deklaroj edhe një herë para kësaj asambleje se Irani nuk ka kërkuar kurrë dhe nuk do të kërkojë kurrë të ndërtojë një bombë bërthamore. Ne nuk kërkojmë të pajisim me armë bërthamore,” – u shpreh ai.
Deklarata e Pezheskian vjen në një moment kritik për Iranin, pasi disa vende perëndimore po shqyrtojnë mundësinë për të rikthyer sanksionet ndërkombëtare, duke e akuzuar Teheranin për mungesë transparence dhe bashkëpunimi me Agjencinë Ndërkombëtare për Energjinë Atomike (IAEA).
Ndërkohë, Teherani ka këmbëngulur se programi i tij bërthamor ka qëllime paqësore dhe është në përputhje me traktatet ndërkombëtare.