Nju-Jork, 25 shtator – Presidentja Gordana Siljanovska-Davkova sot do të ketë fjalim në Asamblenë e Përgjithshme të Kombeve të Bashkuara në Nju-Jork, në kuadër të Sesionit të 80-të të AP të KB-së.
Tema e sesionit të këtij viti është “Më mirë së bashku: 80 vite dhe më shumë për paqe, zhvillim dhe të drejta të njeriut”.
Siç lajmëroi raportuesi për MIA-n, Siljanovska-Davkova nga salla plenare e Asamblesë së Përgjithshme do të flasë e gjashta me radhë, ndërsa para saj do të paraqiten presidentët e Tunizisë, Somalisë, Malit të Zi, Palestinës dhe Jemenit.
Paraprakisht, Siljanovska – Davkova do të flasë edhe në sesionin plenar kushtuar 30-vjetorit të Programit botëror për të rinj, ku fjalim do të ketë edhe kreu i Asamblesë së Përgjithshme. Temë e tkaimit është “Programi botëror për aksion për të rinj: përshpejtimi i përparimit global përmes bashkëpunimit mes gjeneratave”.
Sipas agjendës, sonte presidentja Siljanovska-Davkova do të marrë pjesë në pritjen me rastin e 30 viteve të vendosjes së marrëdhënieve diplomatike me SHBA-në.