Detroit, 29 shtator – Presidentja Gordana Sillanovska – Davkova, me vizitën në kishën maqedonase “Shën Mëria” në Detroit dhe takimin me diasporën, përfundoi vizitën e punës disaditore në SHBA, e cila u organizua me rastin e Sesionit të 80-të të Asamblesë së Përgjithshme të Kombeve të Bashkuara në Nju Jork.
Presidentja u drejtua në debatin e përgjithshëm me temë “Më mirë së bashku: 80 vjet e më shumë për paqen, zhvillimin dhe të drejtat e njeriut”, ndërsa zhvilloi një takim edhe me sekretarin e përgjithshëm të KB-së, Antonio Guterresh.
Në Nju Jork, Siljanovska – Davkova mori pjesë në pritjen e organizuar nga presidenti amerikan Donald Tramp, si dhe në pritjen për liderët nga Ballkani Perëndimor të organizuar nga përfaqësuesja e lartë e BE-së për Punë të Jashtme dhe Politikë të Sigurisë, Kaja Kallas.
Ajo mbajti një fjalim në Samitin vjetor të Konkordias, ndërsa gjithashtu foli në sesionin plenar të dedikuar për 30-vjetorin e Programit botëror për rininë.
Presidentja Siljanovska-Davkova, në kuadër të Forumit botëror të liderëve, mbajti ligjëratë para studentëve të Universitetit Kolumbia në Nju Jork.
Vizita në Nju Jork përfundoi me pritjen përkujtimore për 30 vjetorin e vendosjes së marrëdhënieve diplomatike me SHBA-në.
Në Detroit, Siljanovska-Davkova mori pjesë në darkën gala me rastin e 20-vjetorit të Diasporës së bashkuar maqedonase, ku iu nda çmimi “Burrështetas Global”.